Udhërrëfyes - Hyrja në punë

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Hyrja në punë > Zgjidhje e marëdhënieve të punës

Pasqyra e lëndës

1. Hyrja në Itali
2. Qëndrimi në Itali
3. Hyrja në punë
   1. Hyrja në punë
   2. Zgjidhje e marëdhënieve të punës
   3. Kushte punësh të veçanta
4. Pensionet dhe asistenca
5. Shëndeti
6. Shkolla
7. Njoftime të dobisme

Lexo këtë faqe në: | | | | | |

3.2 ZGJIDHJE E MARËDHËNIEVE TË PUNËS

1. Si realizohet pushimi nga puna
2. Detyrime të punëdhënësit
3. Zgjidhje e marrdhënieve të punës

3.2.1 SI REALIZOHET PUSHIMI NGA PUNA

Tek punonjësi i huaj aplikohen të gjitha normat e vlefshme për punonjësit italianë edhe në lidhje me pushimin apo largimin vullnetarisht nga puna.

Pushimi nga puna i çdo lloj tipi duhet të komunikohet me shkrim. Punonjësi, brenda 60 ditëve, nëse ka kundërshtime, mund të bëjë ankim.

Në rast pushimi për shkaqe disiplinore, kjo masë duhet paraprirë nga një paralajmërim me shkrim ndaj të cilit punonjësi ka 5 ditë afat për t'u justifikuar.

Me përjashtim të rasteve të veçanta (drejtues, bashkëpuntorë shtëpiakë, punonjës sportivë etj.) pushimi nga puna duhet shoqëruar me justifikimin me shkrim në të cilin tregohen qartë motivet e pushimit, ose nga ndonjë shkelje e rëndë që shkakton ndërprerjen e menjëhershme të punës. Në rast se pushimi nga puna vjen për motive të justifikueshme, punonjësit i takon një periudhë kohe për t'u interesuar të gjejë një punë tjetër. Në rast se nuk plotëson kushtet e mësipërme, punëdhënësit i takon të paguajë dëmshpërblim.

Kur një ndërmarrje me më shumë se 15 punonjës (për shkurtim personeli ose transferim të ndërmarrjes) pushon më tepër se 5 punonjës brenda harkut të 120 ditëve, atëherë kemi të bëjmë me pushim kolektiv nga puna. Në këtë rast parashikohen sanksione speciale, me të cilat duhet të merren edhe sindikatat.

Cilado qoftë arsyeja e ndërprerjes së raportit të punës, punonjësit i takon gjithmonë të përfitojë paratë e likujdacionit (TFR). Në raste të veçanta, siç janë shpenzimet shëndetsore apo blerja e shtëpisë së parë, një pjesë e shumës mund t'i jepet paradhënie punonjësit të punësuar ndërmarrje më të mëdha.

Në rast pushimi nga puna , u këshillohet punonjësve t'i drejtohen një sindikate apo një avokati të specializuar në këtë sektor.

[ ktheu më sipër ]

3.2.2 DETYRIME TË PUNËDHËNËSIT

Punëdhënësi, në rast pushimi nga puna të të huajit , është i detyruar të njoftojë brenda 5 ditëve Drejtorinë Provinciale të Punës, e cila kishte lëshuar autorizimin për punë. Njoftimi analog i duhet bërë Kuesturës që ka lëshuar Lejen e Qëndrimit.

[ ktheu më sipër ]

3.2.3 ZGJIDHJE E MARRDHËNIEVE TË PUNËS

Ligji konsideron të pavlefshëm, pushimin nga puna për arsye politike, fetare, për pjesmarrje në sindikatë etj, edhe pse motivimi "formal" i bërë nga punëdhënësi mund të jetë formuluar ndryshe.

Është i pavlefshëm pushimi nga puna e punonjëseve në gjendje shtatëzënie, që nga fillimi i shtatzënisë e deri sa fëmija i lindur të mbushë një vit. Në rast se punëdhënësi nuk ka pasur dijeni për shtatëzëninë, kundër pushimit mund të lejohet ankimi brenda 90 ditëve, me paraqitjen e raportit të shtatëzënisë.

Janë të vlefshme pushimet për "giusta causa", për shitjen (ndërprerjen) e aktivitetit prodhues, për skadim kontrate, për përfundim negativ të periudhës së provës.

Është i pavlefshëm pushimi nga puna i bërë në periudhën nga kërkesa për publikimin e martesës deri një vit pas martese, me përjashtim të rasteve të pikës së mësipërme. Edhe në raste të tilla ankimi duhet të bëhet brenda 60 ditëve nga marrja e njoftimit me shkrim apo me gojë nga ana e punëdhënësit.

[ ktheu më sipër ]

ktheu në fillim të faqes | Home page | Tregues i udhërrëfyesit | Vihu në kontakt me ne