Udhërrëfyes - Hyrja në punë

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Hyrja në punë > Hyrja në punë

3.1 HYRJA NË PUNË

Elemente të përgjithshme
Kontrata e qendrimit
Marrja Në Punë

3.1.1 ELEMENTE TË PËRGJITHSHME

Republika Italiane i siguron të gjithë punonjësve të huaj dhe familjeve të tyre, me kusht që të banojnë me rregulla në territorin italian, trajtim të barabartë e barazi të plotë të drejtash me punonjësin vendas.

Çdo vit qeveria, me një dekret të posaçëm, stabilizon kuotat maksimale të të huajve që mund të hyjnë në territorin e shtetit për punë nën të tjeret, për punë sezonale e autonome, duke patur parasysh edhe bashkimet familjare. Kur paraqiten nevoja të reja, dekrete të tjera mund të emanohen gjatë vitit.

Vizat e hyrjes dhe lejet për punë nën të tjerët, edhe për ekzigjenzat sezonale ose për punë autonome, përfshihen brënda kufirit të kuotave të paraththëna. Në rast se nuk është publikuar dekreti i programit vjetor, Presidenti i keshillit të ministrave parashikon, në mënyrë tranzitore, me dekret të vetin brënda limitit të kuotave të vitit të mëparshëm.

Për hyrjen në punë të të huajit është e nevojshme pikësëpari të zotërosh dokumentat që të lejojnë të hysh në Itali:

Pasaportën (o një dokument të barazvlefshëm);
Vizën e hyrjes;
Lejen e qëndrimit.

Leja e qendrimit për punë lëshohet në prani të kontratës së qëndrimit për punë.

[ ktheu më sipër ]

3.1.2 KONTRATA E QENDRIMIT

Kontrata e qendrimit për punë nën të tjerët duhet patjetër të përmbajë:

garancinë nga ana e punëdhënësit për një banesë të përshtatshme për punonjësin,
garantimin nga ana e punëdhënësit të pagimit të shpenzimeve të udhëtimit për kthimin e punonjësit në vendin e origjinës.

Kontrata e qëndrimit për punë nënshkruhet pranë Sportelit Unik për Emigracionin të Provincës në të cilën banohet apo ka seden legale punëdhënësi.

Zgjatja e lejes së qendrimit për punë është ajo që parashikohet në kontratën e punës dhe sidoqoftë nuk duhet të superojë:

zgjatjen e përgjithshme prej 9 muajsh(për një ose më shumë kontrata pune sezonale);
zgjatjen e përgjithshme prej 1 viti (për kontrata pune të përkohsme);
zgjatjen e përgjithsme prej 2 vitesh (për kontrata pune nën të tjerët me zgjatje pa kufi).

Për të hyrë në Itali për të punuar, punonjësi ekstrakomunitar duhet të ketë një vizë të lëshuar nga konsullata italiane prane shtetit të origjinës ose të rezidencës së përhershme.

Leja e qëndrimit për motive studimi ose formim profesional mund të konvertohet, para se të skadojë, nëpërmjet një kontrate qëndrimi për punë, në leje qendrimi për punë nëqoftëse ka akoma vënde bosh në listën e kuotave për hyrjen në Itali.

Leja e qëndrimit për motive familjare lejon hyrjen në proceset e punës, për kryerjen e një pune nën të tjerët.

Edhe leja e qëndrimit e lëshuar për t'u mbrojtur nga situata të rrezikshme të dhunës apo të shfrytëzimit (art. 16 L.40/98) lejon hyrjen në proceset e punës, për punë nën të tjerët.

Leja e qëndrimit rinovohet për një zgjatje jo më shumë se ajo që është përcaktuar në lëshimin e parë.

Rinovimi i lejes së qëndrimit kërkohet nga i huaji tek kuestori i provincës ku ky i fundit jeton në rastin e kontratës për punë nën të tjerët më zgjatje të përkohshme, gjashtëdhjetë ditë më parë se skadenca e kontratës për punë përkohshme, dhe tridhjetë ditë për të gijtha rastet e tjera. Sa herë që rinovohet, Leja i nështrohet verifikimit të kushteve që plotësohen për lëshimin fillestar.

Humbja e vendit të punës nuk përbën motiv për revokimin e lejes së qëndrimit të të huajit dhe të familjarëve e tij. Punëtori i huaj që humbet vendin e punës (edhe kur lë punën ai vetë) mund t'i drejtohet shërbimeve që gjejnë punë, shtetërore apo private, deri në skadimin e lejes së qëndrimit dhe, sidoqoftë, duke përjashtur rastin i lejes për punë sezonale, për një periudhë jo më pak se gjashtë muaj.

Për të përfituar nga shërbimet për punë i huaji duhet të paraqesë:

leje qëndrimi;
dokument njohjeje;
çertificatën e gjendjes familjare, nëse ka familjarë në ngarkim;
certifikatë rezidence;
tituj studimi apo dëshmi profesionale
(tre dokumentat e fundit mund të zëvendësohen me vetëçertifikimi)

Të huajit që demostron të jetë në Itali për të paktën dy vjet rresht për punë sezonale, mund t'i lëshohet, nëse bëhet fjalë për punë të përsëritur çdo vit, një leje qëndrimi shumëvjeçare. Kjo leje ka një zgjatje maksimale prej tre vjetësh. Në të tregohen numri i muajve që i huaji mund të punojë maksimalisht çdo vit. Viza e hyrjes për këtë lloj lejeje qëndrimi jepet çdo vit.

Nëse punonjësi i huaj kthehet në vendin e tij ruan të drejtat previdenciale (të pensionit) dhe të sigurimit shoqëror të grumbulluara.

Punonjësit e huaj mund të kërkojnë rinjohjen e titullit profesional të marrë jashtë Italisë. Ata gjithashtu mund të marrin pjesë në gjitha kurset e formimit apo të rikualifikimit profesional të programuara në teritorin e Republikës Italiane.

Nëse punonjësi i huaj merr pjesë, në vendin e origjinës, në kurse speciale të organizuar për lehtësimin e hyrjes në Itali, fiton përparësi për regjistrimin në listat e formuluara në vendin e tij.

[ ktheu më sipër ]

3.1.3 MARRJA NË PUNË

Të huajt e regjistruar rregullisht në qendrat e punës (servizi per l'impiego), shtetërore apo private, ose që aktualisht punojnë nën një tjetër punëdhënës, mund të merren në punë (si qytetarët italianë):

me kontratë kohe të përhershme apo të përkohshme,
me kontratë kohe të pjesshme (part time),
me kontratë nxënësi (apprendista),
me kontratë përfshirjeje në botën e punës (d'inserimento),
me kontratë me thirrje (a chiamata),
me kontratë rifillimi (ripartito),
me projekt.

Punëdhënësi që merr në punë të huajin duhet t'i dorëzojë punonjësit, njëkohësisht me marrjen në punë, gjeneralitetet e tij dhe llojin e punës që do të kryjejë i huaji. Pastaj brenda pesë ditëve, duhet të njoftojë për këtë Zyrën e Punës.

Të huajt që nuk jetojnë në Itali

Në çdo provincë është ngritur, pranë Prefekturës, (Ufficio Territoriale del Governo) një Sportel Unik për imigracionin, që merret me të huajt që punësohen me kohë të përhershme apo të përkohshme.

Kushdoqoftë, italian apo i huaj me qëndrim të rregullt në Itali, që kërkon të punësojë me kohë të përhershme ose të përkohshme një të huaj me rezidencë jashtë Italisë, duhet të paraqesë në sportelin e provincës të rezidencës:

kërkesë me emër për leje për punë;
dokumentim të rregullt se si do t'i sigurojë banesë punonjësit;
propozim për Kontratën e Qëndrimit, që duhet të respektojë Kontratën Kolektive të Punës dhe që të përmbajë angazhimin nga ana e vetë punëdhënësit, të pagimit të shpenzimeve të rikthimit të të huajit në vendin e origjinës;
një deklaratë ku impenjohet të komunikojë çdo ndryshim të raportit të punës me të huajin.

Nëqoftëse nuk e njeh të huajin që kërkon të punësojë, punëdhënësi italian, apo i huaji me qëndrim të rregullt në Itali, mund të kërkojë nullaosta për punë për një të huaj të regjistruar në listat që mund të jenë përpiluar në vendin e origjinës, në bazë të akordeve dypalëshe midis Italisë dhe atij vendi. Në këtë rast, sidoqoftë duhet të paraqesë:

një dokumentim bindës në lidhje me garantimin e banesës së punonjësit;
propozimin e Kontratës së Qëndrimit që duhet të respektojë Kontratën Kolektive Nacionale të punës si dhe të përmbajë angazhimin e punëdhënësit për pagimin e shpenzimeve të rikthimit të të huajit në vendin e prejardhjes.

Në të dya rastet Sporteli Unik për imigracionin i komunikon kërkesën qendrës për marrje në punë të provincës së residencës, të domiçiljos apo të sedes legale të kërkuesit. Qendra për marrje në punë merr përsipër të bëjë të njohur këtë kerkesë në të gjithë teritorin italian dhe, pasi kanë kaluar 20 ditë,nëse nuk rezulton asnjë kërkesë për atë lloj pune nga ana e punonjësve italianë apo komunitarë, Qendra i trasmeton Zyrës teritoriale të kërkuesit një çertifikatë negative apo i trasmeton kërkesat punëdhënësit.

Sporteli Unik për imigracionin, pasi ka dëgjuar Kuestorin ,brenda 40 ditëve nga paraqitja e kërkesës, lëshon nullaostën dhe, me kërkese të punëdhënësit, i trasmeton (edhe nëpërmjet Internetit) dokumentacionin zyrave konsullore. Nullaosta për punën nën të tjerët ka vlerë për një kohë jo më shumë se gjashtë muaj prej datës së leshimit.

Zyrat konsullore të vendit të residencës ose të vendit të origjinës të të huajit parashikojnë, pas verifikimeve të rastit, të leshojnë një vizë hyrjeje ku tregohet kodi fiskal, që i është komunikuar Sportelit Unik për imigracionin. Brendave tetë ditëve të hyrjes, i huaji duhet të paraqitet pranë Sportelit Unik për imigracionin që ka lëshuar nullaostën që të firmosë Kontratën e Qëndrimit.

Në rastin e punës sezonale

Kushdo, italian apo i huaj me qëndrim të rregullt në Itali, që kërkon të punosojë me punë sezonale një të huaj, duhet të paraqesë një kërkesë me emer në Sportelin Unik për imigracionin në provincën e residencës.

Nëse nuk e njeh drejtpërdrejt të huajin, kërkesa duhet të përmbajë:

një dokumentim bindës rreth banesës që do t'i garantojë të huajit;
propozimin për kontratën e qëndrimit, që duhet të respektojë Kontratën Kolekive Nacionale të punës, dhe të përmbajë angazhimin e punëdhënësit për pagimin e shpenzimeve të rikthimit në atdhe të të huajit;

Duhet t'i komunikohet menjëherë qendrës së punës kompetente, që bën verifikimet, brenda 5 ditëve, për mundësinë e mbulimit të këtij vendi pune me punonjës italianë apo komunitarë.

Sporteli Unik lëshon autorizimin, pasi kanë kaluar 10 ditë nga komunikimi e jo më shumë se 20 ditë nga data e marrjes së kërkesës të bërë nga punëdhënësi.

Punonjësi sezonal, nëse ka respektuar të dhënat e dëshmuara nga Leja e Qëndrimit dhe është kthyer në atdhe brenda skadimit të saj, ka përparësi për të rihyrë në Itali në vitin e mëpasshëm për punë sezonale. Mundet, gjithashtu, të konvertojë lejen për punë sezonale në leje qëndrimi për punë nën të tjerët me kohë të përkohshme ose të përhershme atëherë kur plotesohen kushtet.

[ ktheu më sipër ]