Udhërrëfyes - Hyrja në punë

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Hyrja në punë > Kushte punësh të veçanta

3.3 KUSHTE PUNËSH TË VEÇANTA

Punët e rastësishme
Punonjësit e spektaklit
Infermierë profesionalë
Punonjës autonomë dhe profesioni i lirë
Kooperativat sociale

3.3.1 PUNËT E RASTËSISHME

Pranë shërbimeve, shtetërore apo private, i huaji që ka humbur vendin e punës, edhe kur e ka braktisur vetë, mund të kërkojë një tesëre speciale manjetike që i lejon të kryjë punë të rastit (shërbime në shtëpi apo për persona, mirëmbajtje të vogla etj.), për periudhën e mbetur të vleftshmërisë së Lejës së Qëndrimit, por sidoqoftë jo për më shumë se 6 muaj. Këto lloj punësh do të paguhen nga punëdhënës të rastit me bono me vlerë (buoni di valore) 5,70 euro që i huaji mund t'i tërheqë në të holla pranë agjensive të autorizuara. Puna e rastësishme nuk përbën kontratë qëndrimi e nuk lejon rinovimin e Lejes së Qëndrimit.

[ ktheu më sipër ]

3.3.2 PUNONJËSIT E SPEKTAKLIT

Marrja në punë bëhet me autorizim të lëshuar nga zyra Speciale e Punës e Punonjësve të Spektaklit (me seli në Romë e e tre seksione në Milano, Napoli e Palermo), me pëlqimin e Ministrisë për Turizmin e Spektaklin si dhe lejen provizore të autoriteteve provinciale të sigurimit publik.

Punonjësit të huaj të spektaklit i takojnë të gjitha kontributet e sigurimet e njohura me ligj për punonjësit e këtij sektori (regjistrimi në ENPALS për pensionin, në INPS për kontributet Gescal etj.)

[ ktheu më sipër ]

3.3.3 INFERMIERË PROFESIONALË

Infermierët profesionalë të diplomuar në vendet jo komunitare, mund të punojnë në spitalet dhe klinikat private italiane, nëpërmjet rinjohjes së barasvlerëshmërisë të titullit të studimit.

[ ktheu më sipër ]

3.3.4 PUNONJËS AUTONOMË DHE PROFESIONI I LIRË

Qytetarët e huaj mund të ushtrojnë në territorin Italian, aktivitetin e punës autonome (industriale, artizanale, profesionale o tregtare), kur kjo mundësi nuk u është rezervuar me ligj vetëm qytetarëve italianë ose të Bashkimit Europian.

Për të ushtruar këto aktivitete i huaji duhet:

të ketë të ardhura të mjaftueshme për të ushtruar këtë aktivitet;
të zotërojë cilësitë që njeh ligji italian për aktivitetin në fjalë;
të ketë një dëshmi ku të thuhet që nuk ekzistojnë motive që pengojnë nxjerrjen e një liçence të mundshme;
të ketë banim të mirë e të përshtatshëm;
të ketë të ardhura të mjaftueshme vjetore,të nxjerra nga burime të ligjshme, që të mbulojnë edhe bashkëpunimin në shpenzimet shëndetsore.

Nëse plotësohen të gjitha këto kushte, i huaji mund të marrë vizën për punë autonome (me tregim të saktë të profesionit). Një vizë e tillë duhet lëshuar brenda 120 ditëve nga bërja e kërkesës së dokumentuar.

Ambulantët

Liçencat për ambulantët lëshohen nga Komuna në të cilën mendohet të ushtrohet aktiviteti, gjithmonë në përputhje me orientimet e kryesisë së komunës rreth tregtisë ambulante.

Profesioni i lirë

Avokatët, mjekët, arkitektët etj., për të zhvilluar aktivitetin duhet të regjistrohen në "albo profesionale" (regjistri i profesioneve).

I huaji me Leje Qëndrimi të rregullt, që zotëron diplomën e shkollës së lartë apo të mesme të marrë në Itali, apo që ka bërë konvertimin e titullit në Itali (shih kap.VI) mund të japë provimet për t'u regjistruar në regjistrin profesional të specialitetit të tij.

[ ktheu më sipër ]

3.3.5 KOOPERATIVAT SOCIALE

Një kooperativë sociale është një ndërmarrje që mbledh persona që vihen dakort të vënë në dispozicion aftësitë profesionale për të ushtruar një aktivitet me natyrë sociale. Kooperativat Sociale furnizojnë shërbime sociale që realizojnë intergrimin shoqëror të qytetarëve. Quhen ndryshe edhe kooperativa solidariteti dhe njihen me ligj (381 të 1991).

Kooperativat e tipit A

Ofrojnë shërbime social sanitare dhe edukative (asistencë me infermierë, asistencë shtëpiake për pleq, handikapatë apo të mitur; administrim çerdhesh për fëmijë, administrimin e qendrave për çdrogimin ose për të mitur më preçedenza penale, qendra që zhvillojnë aktivitete kulturale; kurse për mësimin e gjuhëve, e edukimit, seminare e takime, ekspozita e shfaqje teatrale etj.)

Kooperativat e tipit B

Zhvillojnë aktivitete të ndryshme (bujqësore, industriale, tregtare e të shërbimeve) për intergrimin në punë të personave me probleme fizike, psiqike, ish të shtruar në psiqiatri, të droguar, alkolistë, të mitur në moshe pune në situata të vështira familiare, të dënuarit për t'u riedukuar nëpërmjet punës etj.

Për të huajt, pjesmarrja apo themelimi i një kooperative, mund të jetë një mënyrë e vlefshme për të punuar e krijuar punë të rregullt për të tjerët.

[ ktheu më sipër ]