Udhërrëfyes - Hyrja në Itali

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Hyrja në Itali > E drejta për azil politik

1.6 E DREJTA PËR AZIL POLITIK

Kush ka të drejtë
Si merret azili

1.6.1 KUSH KA TË DREJTË

Kushtetuta Italiane i garanton të huajit të drejtën e azilit në rastin kur ai në vendin e tij nuk gëzon të drejta demokratike (liri të mendimit, të besimit fetar, të opinionit, të lëvizjes, të shprehjes).

Nuk ka të drejtë t'i njihet azili:

atij që i është njohur azili në një vend tjetër
atij që vjen nga një shtet tjetër që ka aderuar në Konvecionin e Gjenevës, në të cilin ka kaluar një periudhë më shumë se një vit.
atij që ka kryer një krim kundër paqes ose njerëzimit, një krim lufte, ose një krim të rëndë në vendin mikpritës
atij që është dënuar në Itali për shkelje të ligjit për të cilat parashikohet arrestimi i detyrueshëm (Art.380 i kodit të Procedurës penale) ose që resulton i rresikshëm për sigurinë e shtetit, ose që rezulton pjesmarrës në organizata mafioze, që merrret me trafik droge ose organizime terroristike.

Kusht esencial për të gëzuar të drejtën e azilit është hyrja në territorin e Republikës Italiane. Policia e kufirit nuk mund të pengojë kërkuesit e azilit të hyjë në Itali, edhe pse s'kanë dokumenta.

[ ktheu më sipër ]

1.6.2 SI MERRET AZILI

Dokumentat e nevojshme

Kërkesa për njohjen e Azilit duhet bërë brenda 8 ditëve të hyrjes në Itali ose drejtpërdrejt në policinë e kufirit, e cila merr masa t'ia paraqesë kuesturës më të afërt ose kuesturës së vendit ku mendohet të qëndrojë i huaji.

Kërkesës duhet ti bashkëngjitësh:

Një deklaratë që shpjegon motivet për të cilat kërkohet azili;
një model të shtypur që do plotësuar;
3 fototesera.

Procedura për njohjen e azilit

Kuestura kompetente për territorin duhet të dërgojë, brenda 7 ditëve të paraqitjes së kërkesës, dokumentat në Komisionin Qendror për Njohjen e Statusit të Refugjatit, e cila thërret në Romë, për dëgjim personal, të huajin që kërkon azilin. Ndërkohë kuestura lëshon një permesso di soggiorno me diçiturën "in attesa di asilo politico", (në pritje të azilit), të vlefshme për dy muaj, që rinovohet automatikisht deri në përgjigjen e Komisionit Qendror. Me hyrjen në fuqi të ligjit Bossi-Fini n.180/02, vendimi për njohjen e azilit jepet nga komisionet territoriale në bazë provinciale që zëvendsojnë Komisionin Qendror. Këto komisione e kanë qendrën pranë Prefekturës (Zyra territoriale të Qeverisë). Komisioni qendror (që sot nijhet si Comissione Nazionale per il diritto d'Asilo) ruan kompetencat e drejtimit e të koordinimit.

Pasaporta kombëtare e të huajit tërhiqet nga kuestura e cila merr masa ta fotografojë të huajin, t'i marrë shenjat e gishtave (digjitale) dhe t'i japë kopjen e pasaportës.

Për refugjatët të njohur kërkuesit e azilit pa mbështetje ekonomike është parashikuar një kontribut (prima assistenza) prej € ___ në ditë për 45 ditë. Kërkesa për këtë shumë bëhet së bashku me kërkesën e azilit.

Brenda 15 ditëve nga dëgjimi Komisioni duhet të vendosë rreth kërkesës; vendimi i motivuar i përcillet Kuesturës kompetente që merr masa të njoftojë të interesuarin.

N.q.s. kërkesa për azil aprovohet nga komisioni, i huaji njihet "refugjat politik" dhe i lëshohet çertifikata përkatëse. Kjo e fundit është e domosdoshme për të marrë dokumentat e nevojshme administrative (permesso di soggiorno dhe çertifikata të gjendjes civile) si dhe për të gëzuar të drejta të ndryshme, bashkimin familjar, marrjen e shtetësisë italiane pas pesë vjetësh.

Njoftime të nevojshme

Vendimi për mosnjohjen e azilit mund të apelohet, brenda 30 ditëve prej marrjes së njoftimit, në Gjykatën Administrative Regionale (TAR). Për këtë apelim është e nevojshme ndihma e një avokati.
Mohimi i të drejtës së azilit shoqërohet zakonisht me një fletë dëbimi ku i huaji duhet të lejë Italinë, me anë të një dekreti "di espulsione" (dëbimi) Prandaj i huaji që ka marrë përgjigje negative për azilin, me apelim duhet të kërkojë njëkohësisht edhe rivlerësimin e dekretit të espulsionit.
I huaji, gjatë proçedurës për njohje të azilit, nuk mund të dënohet për hyrje ilegale në Itali, dhe nuk mund të dëbohet, me përjashtim të rasteve të sigurimit kombëtar e të rendit publik.

N.B. procedura e re që adoptohet pas hyrjes në fuqi të ligjit Bossi-Fini, edhe pse përcakton që kërkuesi i azilit mund të mbahet në polici për kryrjen e kërkesës, parashikohen edhe hipotezën specifike për mbajtjen në qendra të posaçme të "identifikimit" me qellim që:

të verifikojë shtetësinë ose identitetin e kërkuesit të azilit që nuk ka dokumenta ose që është vënë re se janë fallso;
të verifikojë elementët e arsyet për të cilat është kërkuar azili, nëse nuk vertetohet apo dokumentohen në momentin e kërkimit;
të përcaktojë kompetencën e shtetit italian në marrjen e vendimit.

Parashikohet edhe mbajtja në kontroll të detyrueshëm:

kur kërkuesi është ndaluar gjatë tentimit ose menjëherë pas tentimit të shmangies se kontrollit në kufi, ose pas gjatë qendrimit të parregullt në Itali
kur kërkuesi që i është dhënë provedimenti i debimit(espulsione) ose të kthimit mbrapsht (respingimento). Në këtë rast mbajtja nën kontroll bëhet në C.P.T.(Centri di Permamenza Temporanea).

[ ktheu më sipër ]