Udhërrëfyes - Hyrja në Itali

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Hyrja në Itali > Bashkimi familjar

1.4 BASHKIMI FAMILJAR

Kush ka të drejtë
Si arrihet

1.4.1 KUSH KA TË DREJTË

I huaji me Leje të rregullt Qëndrimi mund të kërkojë bashkimin me familjarët e mëposhtëm:

bashkëshorti i pandarë me ligj;
fëmijët minorë edhe kur i ka sjellë pas bashkëshortja ose kanë lindur jashtë martese; bij të adoptuar ose të dhënë në kujdestar;
prindërit në ngarkim, por vetëm nëqoftëse këta nuk kanë femijë të tjerë në vendin e origjinës. Në rastin e prindërve mbi gjashtëdhjetepesëvjeçarë, mund të bëhet bashkimi familjar nëse bijtë e tjerë nuk mund t'i shërbejnë për arsye të rënda të dokumentuara shëndetsore.

Për të realizuar bashkimin familjar i huaji duhet të demostrojë:

që ka një shtëpi;
që ka të ardhura vjetore, të realizuara nga punë e ligjshme, jo më pak se shuma e njohur me ligj. Kjo shumë duhet të rritet sa më i madh të jetë numri i personave që duan të sjellin në Itali.

Lejohet bashkimi familjar i prindit të minorit që jeton në Itali që demostron, një vit pas hyrjes në Itali, se zotëron një shtëpi dhe të ardhurat e duhura.

P.S. Në rastin e vdekjes së familjarit që plotëson kushtet për bashkimin familjar dhe në rastin e ndarjes qjygjësore ose të zgjidhjes së marteës; ose pë femijët që nuk mund të marrë kartën e qendrimit me mbushjen e moshës së rritur (18 vjeç), Leja e Qendrimit mund të konvertohet në Leje për punë nën të tjerët, për punë të paravur o për motive studimi. Natyrisht i huaji duhet të ketë mbushur minimumin e moshës për të punua rtë njohur nga ligji.

[ ktheu më sipër ]

1.4.2 SI ARRIHET

Dokumentat e nevojshme

Kërkesa për bashkimin familjar paraqitet në Sportelin Unik për Imigracionin pranë Prefekturës së vendit ku jetohet.Kërkesës duhet t'i bashkëngjitet:

fotokopja e Lejes së Qëndrimit;
çertifikata e rezidencës në letër të thjeshtë plus fotokopjen;
deklarata e punëdhënësit që raporti i punës është kontinuativ, me referimin e pagës mesatare mujore;
fotokopja e modelit CUD ose 730, ose, nëse bëhet fjalë për punonjës autonom, fotokopje e modelit Unik, certifikata e regjistrimit në Dhomën e Tregtisë dhe, atje ku parashikohet, edhe Partita Iva;
kontrata e qerasë regullisht e regjistruar ose titulli i pronës së banesës së residencës; për çdo banesë duhet paraqitur një certifikatë përshtatshmërie (idoneità alloggiativa)lëshuar nga Komuna, ose një certifikatë higjeniko-shëndetsore e lëshuar nga ASL;
dy fotokopje e pashaportës të familjarit për të cilin po kërkohet bashkimi;
nëse kërkohet ardhja e bahkëshortit duhet të paraqitet çertifikata e martesës. Ndërsa për familjarët e tjerë duhet çertifikata e afërsisë familjare. Të gjithë këta dokumenta duhet të jenë të përkthyer në italisht dhe të legalizuara nga autoritet konsullore italiane në vëndin nga vjen i huaji.

Leja e Qendrimit për motive familjare ka të njejtën kohëzgjatje me atë të familjarit të huaj që kërkon ardhjen e të afërmit në Itali dhe rinovohet sëbashku me Lejen e Qendrimit të kërkyesit të këtij bashkimi.

Njoftime të dobishme

Proçedura e dhënies së bashkimit familjar vazhdon rreth tre muaj. Nëse Kuestura jep nulla osta (lejen) për bashkimin, i huaji mund të marrë vizën e hyrjes për familjarët nga Ambasada ose Konsullata Italiane. Viza duhet përdorur brenda 6 muajve të lëshimit.
Nëse Kuestura nuk lëshon lejen për bashkim familjar ,i huaji mund të bëjë ankim tek Gjyqtari i vendit të rezidencës. Gjyqtarit, pasi ka dëgjuar të interesuarin, formulon dekretin. Dekreti i Gjyqtarit që aprovon bashkimin familjar lejon lëshimin e vizës edhe kur mungon nulla osta e Kuesturës.
Në të gjitha aktet për këtë procedurë nuk ka nevojë të paguash "marca da bollo" (pulla taksash).
Kushdo, në çdo lloj mënyre, që strehon në shtëpi mik të huaj apo apolid(të pashtet), edhe pse familjar apo i afërm, e vë për të punuar për të ose i lë atij pronat apo shfrytëzimin e pronave, në fshat apo në qytet, që ndodhen në territorin e shtetit Italian, është i detyruar me ligj t'u bëjë njoftim me shkrim brënda 48 orëve autoriteteve lokale të vendit. Komunikimi përmban veç gjeneraliteteve të denuncuesit, edhe ato të të huajit apo apolidit, të dhënat e pasaportës apo të dokumentit të identifikimit të të huajit e të mikut, përshkrimin të pronës së patundshme të dhënë apo në të cilën personi është strehuar, mikëpritur apo të vënë nën shërbim dhe arësyhet për të cilin bëhet ky komunikim me shkrim. Në rast të shkeljes së këtyre normave parashikohet denimi administrativ i një shume nga 160 në 1100 euro.

[ ktheu më sipër ]