Udhërrëfyes - Hyrja në Itali

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Hyrja në Itali > Si hyhet në Itali

1.1 SI HYHET NË ITALI

Dokumentat e nevojshme
Kontrollet në kufi
Parashikimi i fluksit të emigrimit

1.1.1 DOKUMENTAT E NEVOJSHME

I huaji, në çastin e hyrjes në Itali,duhet të ketë me vete:

Pasaportën vlershme (jo të skaduar), të lëshuar prej vendit të origjinës, ose dokument të barasvlershëm.
Vizë hyrëse për vendet që u kërkohet kjo gjë;
Viza lëshohet nga Ambasada ose nga Konsullata Italiane në shtetin prej nga vjen i huaji. Të barazvlefshme me këto viza janë ato që lëshohen nga ambasadat e vendeve të tjera, por vetëm për qëndrime më pak se tre muaj. Në momentin e dhënies së vizës së qëndrimit ose të kalimit(tranzit), të huajt i dorëzohet një deklaratë e shkruar në një gjuhë që ai e kupton, që i tregon të drejtat e tij por edhe detyrimet lidhur me hyrjen dhe qëndrimin e tij në Itali Kur nuk plotësohen kushtet sipas ligjeve apo normativave në fuqi për dhënien e vizës, autoriteti diplomatik ose konsullor i komunikon të huajit mohimin në një gjuhë që ai kupton ose, në mungesë, në anglisht, frengjisht, spanjishtose arabisht. Mosdhënia e vizës duhet bërë me shkrim argumentuar qartë. Mund të hyhet në Itali qoftë me vizë me zgjatje të shkurtër (deri në 90 ditë), por edhe për qëndrime të gjata, që nënkupton dhënien e lejes së qëndrimit (permesso di soggiorno) me motive të njëjta për të cilat është dhënë viza. Duhen dalluar vizat për ata që duan të qëndrojnë në Itali nga vizat tranzit, për kalime të shkurta, që lejojnë, nëpërmjet Italisë, për të shkuar në vende të tjera.Zyrat e policisë italiane të kufirit, në rast nevojash absolute, mund të autorizohen të lëshojnë vizë hyrëse ose vizat tranzit për një perjudhë jo më shumë se sa 10 e 5 ditë.
Dokumentat që dëshmojnë arsyen e qëndrimit;
Dokumentat në lidhje me mjetet mbështetëse (para dhe banesë) të mjaftueshme për kohën e qëndrimit dhe - me përjashtim të vizave për të punuar - për kthimin në vendin e origjinës.

P.S.Të gjitha dokumentat që vijnë nga shtete të huaja, për t'u përdorur në Itali, duhet të jenë përkthyera në italisht e të çertifikuara pranë autoritetet konsullor italian jashtë shtetit.

Në baze të marrëveshjes së Shengen-it, i huaji jashtëkomunitar që merr vizë ose leje qëndrimi në njerin nga vendet nënshkruese, mund të qarkullojë në hapësirën Shengen për një perjudhë jo më të gjatë sesa 90 ditë në një gjashtëmujor. Në vëndin ku shkon jashtëkomunitari duhet të paraqitet brënda 3 ditësh tek autoriteti kompetent për të komunikuar hyrjen.

[ ktheu më sipër ]

1.1.2 KONTROLLET NË KUFI

Hyrja e ligjshme në Itali lejohet vetëm nëpërmjet pikave të posaçme të kufirit.

Nuk mund të hyjnë në Itali (kthehen mbrapsht) të huajt që janë përzënë më parë me forcë (me përjashtim të rasteve kur kalon koha e ndalimit të hyrjes , të fiksuar aktualisht në 10 vjet, dhe i huaji ka marrë autorizimin e duhur) dhe të huajt në shënjestër për motive të sigurimit dhe rendit publik, duke u bazuar edhe në konventat ndërkombëtare.

Nuk lejohet të hynë në Itali të huajt që nuk plotësojnë kushtet e mësipërma ose që konsiderohen kërcënim për rendin publik o për sigurinë e shtetit ose të njerit prej shteteve me të cilët Italia ka nënshkruar marrëveshje për heqjen e kontrolleve në kufijtë brendshëm dhe qarkullimin e lirë të personave , që rezultojnë të dënuar për krimet për të cilët parashikohet arrestimi i detyrueshëm.

[ ktheu më sipër ]

1.1.3 PARASHIKIMI I FLUKSIT TË EMIGRIMIT

Çdo vit, me dekret të kryeministrit, përcaktohet kuota maksimale e të huajve që mund të pranohen në Itali për të punuar nën të tjerët, sezonalë , apo për punë të pavarur, duke patur parasysh edhe bashkimet familjare dhe emërgjencat humanitare. Të gjithë vizat hyrëse për punë lëshohen brenda kufirit të kuotave të sipërdhëna. Në rast të mungesës së botimit të dekretit të programimit vjetor, Presidenti i Këshillit të Ministrave mund të shpallë një dekret provisor, brenda limitit të kuotave të paracaktuara për vitin e mëparshëm.

Për disa vende me të cilat eksistojnë akorde dypalëshe, janë reservuar kuota për çdo vit. Më 31.12.03 vendet me kuota të reservuara ishin Shqipëria, Bangladeshi, Egjipti, Maroku, Moldovia, Nigeria, Senegali, Sri Lanka, Tunisia.

[ ktheu më sipër ]