Udhërrëfyes - Njoftime të dobisme

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Njoftime të dobisme > Të huajt dhe drejtësia

7.1 TË HUAJT DHE DREJTËSIA

Si të sillesh në rast arrestimi, ndalimi, bastisjeje
Mbrojtësi (avokati)
Mbrojtësi gratis
Veprime kundër diskriminimit
Krimi i diskriminimit

IL EST UTILE DE SAVOIR QUE...

Territori italian është i ndarë administrativisht në:

Rajone
Provinca
Komuna.

Komunat me shtrirje të gjerë teritoriale ndahen në disa çirkoskricione.

Këto ente lokale janë kompetente për administrimin e territorit, të burimeve të të ardhurave dhe të gjithë shërbimeve prezente në të.

I huaji mund t'i drejtohet komunës së rezidencës ose zyrave të çirkoskricionit për të marrë informimin rreth çertifikatave të rezidencës dhe asaj familjare.

Në çdo qendër të provincës ndodhet kuestura, zyrë që varet nga Ministria e Brendshme. Në Kuesturë ndodhet zyra e të huajve, kompetente në lëshimin dhe rinovimin e Lejës së Qëndrimit dhe të Kartës së Qëndrimit (Carta di soggiorno).

7.1.1 SI TË SILLESH NË RAST ARRESTIMI, NDALIMI, BASTISJEJE

Në rast kontrolli të policisë është e nevojshme të tregosh pasaportën, lejen e qëndrimit ose kartën e qëndrimit. Mostregimi i dokumentave është shkelje ligjore që dënohet me arrestim deri në 6 muaj dhe gjobë deri në 400 euro. Duhen treguar detyrimisht edhe gjeneralitetet (emër,mbiemër e rezidencë). Të japësh gjeneralite të rreme është shkelje ligjore.

[ ktheu më sipër ]

7.2 MBROJTËSI (avokati)

Në rast ndalimi, arrestimi o kontrolli personal apo shtëpie si dhe në rast sekuestrimi, gëzohet e drejta e mbrojtjes nga avokati. Nëse nuk njihet asnjë avokat, mund të kërkohet një avokat zyre (difensore d'ufficio), që zgjidhet nga listat në dispozicion të të gjithë forcave të rendit e të zyrave gjyqsore. Nëse nuk je në gjendje të paguash një avokat, kërkohet mbrojtja gratis (gratuito patrocinio-shih më poshtë).
Në rast hetimi para policisë apo karabinierëve gëzohet e drejta që të mos flasësh, të mos përgjigjesh, dhe të kërkosh një avokat, apo t'i kërkosh policisë ose karabinierëve të vihen në kontakt me avokatin dhe të flasësh vetëm në prezencën e tij.

[ ktheu më sipër ]

7.1.3 MBROJTËSI GRATIS

Mbrojtësi gratis i siguron atyre që nuk disponojnë mjete financiare mbrojtjen e të drejtave të tyre nëpërmjet një avokati të paguar nga shteti. Për të fituar mbrojtjen falas duhet bërë:

akt noterial ose deklaratë zëvëndësuese (sostitutiva) që dëshmon që kërkuesi nuk zotëron punë e mjete financiare;
deklaratë e komunës së rezidencës që i huaji nuk zotëron të ardhura;
çertifikatë e ambasadës së vendit të origjinës që dëshmon se kërkuesit i mungojnë mjetet financiare (pronë ose para);
çertifikatë familjare;
deklaratë sipas së cilës i huaji angazhohet të komunikojë ndryshimet e të të ardhurave në Intendencën e Financës.

[ ktheu më sipër ]

7.1.4 VEPRIME KUNDËR DISKRIMINIMIT

Bashkëjetesa midis personash të kombësive të ndryshme nuk është gjithmonë e thjeshtë dhe krijon shpesh tensione e konflikte. Shpesh minorancat gjenden përballë mospërfilljes deri në përjashtimin nga të drejtat themelore për të cilat kemi folur më lart(shëndeti, shtëpia, puna).

Këto situata për më tepër përjetohen nga persona të izoluar dhe që nuk dinë të mbrohen dhe bëhen pre e diskriminit në kuptim të gjerë. Mbrojtja e të drejtave dhe respekti për originën e tij nuk janë vetëm një problem juridik, por edhe politik, etik, ekonomik. Për këtë ftojmë lëxuesit e këtij udhëzuesi të venë në dukje rastet e diskriminimit që mund të kenë pësuar në adresat që tregohen në faqet e fundit të udhëzuesit.

Sipas ligjit italian, quhet diskriminim çdo qëndrim që çon në përjashtim, mënjanim apo preferencë të bazuar sipas racës, ngjyrës, origjinës, fesë, aq sa të kompromentojë njohjen dhe ushtrimin e të drejtave të njeriut e të të lirive themelore. Është qëndrim diskriminues sipas ligjit kur të huajit nuk i lejon të ushtrojë të drejtën e punës, të banesës, të arsimit, të formimit, të shërbimeve socio-asistenciale, vetëm duke u nisur nga arsyeja e të qënit i huaj.

Kur sjellja e një privati ose e një administralës shkakton diskriminimin për arsye sociale, etnike, nacionale apo fetare, gjyqtari, me kërkesën e të interesuarit, mund të ndërhyjë e të aplikojë ligjet që dënojnë diskriminimin dhe duke kërkuar dëmshpërblim për të diskriminuarin. Gjyqtari kompetent është gjyqtarit i vendit të rezidencës.Kundër vendimit të tij mund t'i drejtohesh gjyqit.

[ ktheu më sipër ]

7.1.5 KRIMI I DISKRIMINIMIT

Si pasojë e episodeve të rënda të dhunës raciste të 1992-it, është aprovuar një ligj që parashikon një dënim më të rëndë kur krimi kundër personit është i shoqëruar me diskriminim (shih paragrafin e mësipërm).

Po ashtu është e ndaluar të ngresh shoqata me qëllim dhunën kundër pjestarëve të minorancave etnike, fetare, gjuhësore etj.

[ ktheu më sipër ]