Udhërrëfyes - Shëndeti

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Shëndeti > Të huaj në pritje të rregullimit

5.2 TË HUAJ NË PRITJE TË RREGULLIMIT

Të huajt që kanë bërë kërkesë për rregullim ose për të cilët është paraqitur kërkesa për t'u shkëputur nga puna e zezë e për t'u vënë nën regulla, (sipas Ligjit n°189 të 30.VII.2002) kanë të drejtë të regjistrimit të detyrueshëm në ASL-në kompetente dhe, veç dokumentave që lidhen me Lejen e qëndrimit, me Rezidencën dhe Kodin Fiskal, duhet të paraqesin në ASL-në kompetente dokumentat për vënien nën regull ose deklarimin e daljes nga puna e zezë si dhe të dhënat e gjendjes civile të të huajit.

Në sajë të paraqitjes me vonë të Lejes se Qendrimit, regjistrimi në ASL nuk është më i përkohshëm, por ka të njëjtën zgjatje të Lejes së Qëndrimit.

E drejta për regjistrimin e përkohshëm në SSN përfshin edhe bij të mitur, të pranishëm, të të huajve që kanë bërë kërkesë për vënien në rregull dhe janë në pritje të Lejes së Qëndrimit. Për regjistrimin e tyre i huaji duhet t'i lëshojë ASL-së kompetente një deklaratë që tregon të dhënat e gjendjes civile të bijve të mitur të pranishëm, me shënimin që këta të fundit i ka në ngarkim. Ky lloj regjistrimi zgjat 6 muaj dhe përputhet në kohë me atë të të prindit deklarues.

PËR GJITHË TIPOLOGJITË E TJERA TË TË HUAJVE QË KANË TE DREJTË PËR REGJISTRIMIN E DETYRYESHËM

Dokumentat që duhen paraqitur në ASL-në përkatëse janë:

Leje Qëndrimi ose kërkesë për rinovimin e saj
Kodi Fiskal ose autoçertifikimi i tij
Çertifikatë rezidence (ose autoçertifikimi). Në mungesë të rezidencës është i mjaftueshëm deklarimi e banesës reale, ashtu siç është shkruar në Lejen e Qëndrimit
Kopja e dokumentit të derdhjes së kontributeve pë llogari të SSN-së
Deklaratë me anë të së cilës i huaji angazhohet të njoftojë ASL-në për çdo ndryshim të gjendjes.

[ ktheu më sipër ]