Udhërrëfyes - Shkolla

Zgjedhje e shpejtë: Kapërce në tekst | Pasqyra e lëndës

Meny' e sitit: Prezantim | Treguesi | Adresa të dobishme | Kërko në Udhërrëfyes

Ndodhesh në: Udhërrëfyes > Shkolla > Kurset e formimit profesional

6.5 KURSET E FORMIMIT PROFESIONAL

Rajonet italiane (dhe entet e tjera publike) organizojnë kurse të formimit profesional të cilët mund të ndiqen edhe nga të huajt. Shumë prej këtyre kurseve kërkojnë zotërimin e një diplome të shkollës së mesme inferiore.

Kërkesat për regjistrim bëhen nga 1 janari deri më 31 korrik në entet që i organizojnë.

Për t'u regjistruar në kurset, kërkohet regjistrimi më parë në listat e punës. Periudhat dhe oraret e kurseve janë të ndryshme. Kurset zhvillohen falas po ashtu edhe materiali mësimor, siguracioni dhe dietat.

Në fund të provimeve, nëse merr provimet, jepet një dëshmi kualifikimi.

Disa nga sektorët e kurseve që mund të zhvillohen:

sektori i artizanatit;
sektori industrial;
sektori tregti-shërbime;
sektori informatikë-shërbime;
sektori turizëm-hotele etj.

Kurset organizohen në tre nivele në bazë të cilësive të frekuentuesve:

Kurse të nivelit të parë: u rezervohen të rinjve që kanë mbaruar shkollën e detyrueshme, janë me pak se 20 vjeç dhe në kërkim së punës së parë. Këto kurse mund të ndiqen edhe nga të papunët qe i kanë kaluar të 25 vjetët.

Kurse të nivelit të dytë: u rezervohen të rinjve në kërkim të punësimit të parë që kanë mbaruar shkollën sekondare ,që janë nën 25 vjeç si dhe atyre që kanë humbur punën dhe i kanë kaluar të 25 vjetët.

Kurse të nivelit të tretë: u rezervohen të lauruarve nën 27 vjeç ose të papunëve nën 27 vjeç. Kurset e formimit rajonal organizohen në katër mënyra të dallueshme:

Organizimi i drejtpërdrejtë: kurset organizohen drejtpërdrejt nga Qendrat e Formimit Profesional Rajonal (C.F.R.P.), pranë të cilave punojnë nëpunës të rajonit Lacio. Kurset, plotësisht gratis, janë të nivelit të parë dhe të dytë.
Organizimin i konvencionuar: kurset zhvillohen pranë qendres së formimit profesional (C.F.R.P.), ent privat që operon në konvencion me rajonin Lacio. Personeli dhe strukturat janë të xhestorit, që është i detyruar të respektojë periudhën kohore të caktuar nga rajoni Lacio. Edhe këto kurse janë të nivelit të parë, të dytë e të tretë dhe zhvillohen plotësisht gratis.
Fondi Social Europian: bëhet fjalë për projekte të financuara nga fondet evropiane që i japin mundësinë subjekteve publike apo private të prezantojnë projekte që kanë si pikësynim hapjen e vendeve të punës, rikualifikimin e puntorëve dhe integrimin punësor të subjekteve në gjendje të pavolitshme. Në sitin Internet të rajonit Lacio publikohet periodikisht lista e azhornuar e kurseve, që mund të vërehet dhe në televideon e RAI 3, faqe 507 e në vazhdim. Po ashtu e përjavshmja "Lavorare a Roma e nel Lazio", që botohet çdo të martë, publikon informacione mbi kurset e formimit profesional.
Kurset e autorizuara: këto kurse që autorizohen me vendim të Juntës Rajonale, bëhen me pagesë dhe integrojnë sistemin formues profesional në kompleksisitetin e vet. Mund t'i frekuentojë gjithkush nëse plotëson kushtet e paradhëna nga organizuesit. Mbi kurset e autorizuara ushtron kontroll Rajoni Lacio në bazë të ligjit rajonal 23/92. Lista e shkollave private mund të konsultohet në zyrat e Asesoratit të Shkollës, Formimit dhe Politikave për Punën, ose të shkarkohet nga siti i Rajonit Lacio.

Mund të marrin pjesë në kurse, veç të të papunëve apo te atyre që presin punën e parë (për kurse azhornimi, specializimi dhe rikualifikimi), edhe punonjësit (që e kanë punën) si dhe subjektet në posicione të pavolitshme, si handikapatët, imigrantët, nomadët, tosikodipendentët, të dënuarit dhe ish- të dënuarit.

Mosha dhe titulli i studimit që kërkohen ndryshojnë sipas kurseve.

Si rregull, regjistrimet në kurse bëhen nga 1 deri në 31 korrik, pranë Qendrave të formimit. Regjistrimet në kurset specifike nuk kanë skadencë të parashikuar: për të ditur se kur mund të regjistrohesh, duhet t'i drejtohesh Qendres së orientimit të rajonit Lacio, për të ekzaminuar kurset e shpallura, skadimet apo kushtet e regjistrimit.

Qendrat e orientimit profesional ofrojnë gjithashtu infrmacion rreth aktiviteteve formuese të rajonit.

Dokumentat që duhen paraqitur:

kërkesë regjistrimi të firmosur(në ratsin e të miturit nga një prind ose nga ai që e ka nën kujdestari);
mod. C/15 të lëshuar nga zyra e punës (kolokamento) që duhet paraqitur për kurset që kërkojnë regjistrimin në zyrë e punës, ose një vetëçertifikim për gjendjen e papunësisë;
fotokopje e titullit të studimit;
fotokopje të dokumentit personal(pasaportë ose karta e identitetit);
çertifikata të gjendjes civile(lindja, rezidenca, shtëtësia italiane, gjendja familjare)-vetëm nëse kërkohen nga konkursi.

[ ktheu më sipër ]